V aniversario de "Vivamos como galegos!"

Texto:
Hai quen di que os galegos somos morriñentos sen fronteiras, que separarnos da nosa terra dóenos máis que a outros pobos. A explicación é difícil, é un sentimento,... máis que un sentimento.

Como lle explicas a alguén que non é galego o que se sente ao ser galego?, o que se sente ao escoitar de viaxe:

• no doy hecho,
• ay, que riquiño,
• las patatas esmagadas, por favor.

Que se sente cando es dunha terra onde a xente se pelexa por invitar:

• por favor, saca os cartos de aí que pago eu.

Que se sente cando montas unha boa carallada ou cando amosas a túa incredulidade cun B H B:

• Bueno Home Bueno

ou cun B C B

• Bueno Cxxx Bueno

Como explicar o orgullo que sentimos ó ofrecer tantos pratos exquisitos só cun pouco de pimentón. E iso si, a mellor materia prima do mundo. Que se sente cando che poñen diante unha bandexa de percebes coma esta.


Os galegos amamos a naturalidade, o auténtico:

• campechano, campechano

e desagrádanos o artificial

• esa é unha mística.

Que se sente ó saber que cando damos a nosa palabra non fallamos, que se sente?.

É máis ca un sentimento, unha paixón que nace das grandes e das pequenas cousas. Unha paixón que vén da montaña, da terra, do campo e da cidade, da familia, dos nosos.
Por iso desde hai cinco anos gritamos todos xuntos, por iso desde as pedras, as árbores, desde as ondas, desde o vento, cada un co seu motivo pero todos xuntos, cada un a súa maneira pero todos xuntos gritamos:

VIVAMOS COMO GALEGOS!!!

Cada un destes gritos teñen un por que, con razón ou sen razón pero teñen un por que, por que o corazón ten motivos que a razón non entende:

• polas praias galegas,
• polas ameixas de Carril,
• polo pan de Carral,
• polo lacón con grelos,
• a rapa das bestas,
• polos pementos de Padrón,
• polas Illas Cíes,
• polo caldo da miña avoa.

Por mil anos máis
VIVINDO COMO GALEGOS!!!

Making off



Página oficial